Shkroi: Sadete Tërnava Osmani
Kohëve të fundit shpesh po dëgjoj që vajzat po shajnë si djemtë. Ç’është e vërteta edhe mua me ka rastisë t’i dëgjoj disa vajza tek shajnë në mënyrë “interesante”, por jo aq shumë sa ta bëhet temë.
Sic duket ky është një lloj modeli në garën për të treguar se edhe ato si djemtë janë të lira, cool, të pavarura dhe se kështu është të jesh trendy.
Shpresoj të mos jetë bërë fenomen siç po thuhet sepse emancipimin unë e kuptoj ndryshe. Në fakt ndonjë e share e “domosdoshme” dhe e tek-tukshme edhe mund të pranohet, sepse s’besoj që ka grua e vajzë që ndonjëherë s’ka dalë prej vetës kur i ka ardh puna, por të modelohet sjellja e keqe deri në masa të pështirosjes i kalon konturat e pranimit.
Një tjetër fenomen, edhe ky i pahijshem, është mënyra e vozitjes nga disa vajza të reja, të cilat veturat i kanë si me pas fitu në lotari, e që nga padurueshmëria në komunikacion ju gjasojne krejt burrave pa takt.
Vajza të dashura, kështu as nuk jeni feminine e as feministe!
Ne duhet t’i nxisim burrat të jenë me të butë e më fisnik e jo t’i imitojme ata!/GJILANI INFO/
