Nga Arben Kurteshi
Në vizitën e saj në Prishtinë, Presidentja Von der Layen ndau vlerësime dhe perspektivën që ofron Evropa.
Ajo theksoi se çdo përpjekje e jona për të kryer detyrat e shtëpisë kanë ndikim në shpërblimet që mund të marrim nga Evropa bonusa e grande për të rritur ekonominë vendore.
Një çerek shekulli pas çlirimit, ende jemi të varur nga ndihmat më të vogla që mund të kenë ndikim të madh në politikën tonë.
Derisa ne presim ta zhvillojmë vendin vetëm nga ndihma, jemi të varur dhe ndikuar nga kushtëzimet që mund të vijnë me to. Nëse ne nuk arritim të zhvillojmë vendin me një vizion të qartë dhe njohuri të thelluara, puna jonë mbetet nën influencën e subvencioneve dhe ndihmave të jashtme.
Kjo bën që udhëheqësit tanë të kenë pak manovrim për të përshtatur politikat sipas synimeve tona.
Vetëm atëherë mund të ju shmangemi kushtëzimeve nëse përqëndrojmë energjinë në zhvillimin e vendit, me ideal e vizion, dhe vetëm atëherë mund të planifikojmë dhe zbatojmë politikat tona ashtu si duam.
Vetëm e vetëm atëherë politikat tona do të jenë të shumë më pak të ndikuara e kushtëzuara nga ndihma e jashtme./GJILANI INFO/
