Drejtoria Rajonale e Policisë Gjilan, ka arrestuar dy serbë të dyshuar për gjuajtje me armë zjarri gjatë Krishtlindjeve Ortodokse.
Siç njofton policia, dy nga ta A.S. (1992) dhe D.M.(1996) pasi të njëjtit dyshohet se me datën 07.01.2023 në Kllokot rreth mesnatës me rastin e festimit të festës së Krishtlindjeve Ortodokse në Kllokot kanë shtënë me armë zjarri duke shkaktuar rrezik të përgjithshëm.
Arrestimi ka ndodhur pas marrjes së informatave përmes rrugëve operative, sigurimit dhe analizimit të video incizimeve.
Me urdhëresë të Gjyqtarit të Procedurës Paraprake nga kjo njësi është realizuar kontrolle në tri lokacione të ndryshme, ndërsa dy armë automatike AK47 të cilat dyshohet se janë përdorur në këtë rast nuk është arritur që të gjenden aktualisht.
Në lidhje me rastin është njoftuar Prokurori i Shtetit i cili ndaj dy të dyshuarve ka lëshuar masën e ndalimit për 48 orë dhe ndaj tyre do të ngritët kallëzim penal për veprat penale ‘’Shkaktimi i rrezikut të përgjithshëm’’, ‘’Mbajtje në pronësi, kontroll ose posedim të paautorizuar.
