Ministri i Punëve të Brendshme të Kosovës, Xhelal Sveçla ka reaguar pas arrestimt të ish-pjeëtarit të MUP-it, Dejan Pantiçi, i cili ishte i integruar në Policinë e Kosovës.
Sveçla, thotë se ai është ndaluar dhe sipas dëshmive të Policisë së Kosovës ai ka organizuar sulmn terrorist në zyret e KKZ-së në veri ku ishin sulmuar edhe zyrtarët e KQZ-së.
Më poshtë postimi i plotë:
I ndaluari sipas dëshmive të Policisë së Kosovës ka organizuar sulmin terrorist në zyret e KKZ-së në veri të vendit me ç’rast ishin sulmuar zyrtarët e KQZ-së dhe zyrtarët policor. Pantiç akuzohet për kryerjen e veprave terroriste dhe sulm kundër rendit kushtetues.
Grupe ekstremiste me qëllim të parandalimit të vendosjes së drejtësisë janë organizuar në bllokim të disa rrugëve dhe ngritje të barrikadave në Leposaviç, Zveçan dhe Zubin Potok.
Ftoj të gjithë qytetarët për ruajtje të qetësisë e në veçanti qytetarët tanë të etnisë serbe që të mos bëhen pjesë e organizimeve të grupeve kriminale në veri.
Asgjë nuk mund t’i ndalë institucionet e Republikës së Kosovës për ofrim të sigurisë për qytetarët pa dallim e për sjellje para drejtësisë të të gjithë shkelësve të ligjit.
