Presidenti i Shoqatës së Miqësisë Kosovë – Austri, Avokati Arsim Vranovci është njoftuar sot nga Andreas Minnich, Deputet i Parlamentit Federal të Austrisë se shteti i Austrisë së shpejti do të njeh patent shoferët e Republikës së Kosovës.
Siç bëhet e ditur, brenda pak ditësh kjo çështje do të jetë në parlament, ku edhe do të hidhet në votim njohja e patent shoferëve të Republikës së Kosovës në Austri.
Ndërkaq ky vendim i cili gëzon përkrahje nga shumica parlamentare austriake do të jetë një lajm i mirë për kosovarët sepse nuk kanë qenë të pakta rastet kur kosovarët janë përballur me gjoba e pengesa në shtetin austriak.
Presidentin i shoqatës së Miqësisë Kosovë-Austri, Arsim Vranovcin, ka thënë: “Vendimi i Austrisë për të njohur patentë shoferët e Kosovës do të hap rrugën për një bashkëpunim më të ngushtë midis dy vendeve në fushën e transportit dhe zhvillimit ekonomik”.
Sipas tij, shoferët kosovarë do të kenë mundësinë për të kryer shërbimet e tyre në territorin austriak pa pengesa dhe që të ndodhë kjo, gjasat janë të mëdha.
“Jam mirënjohës e falënderues për punën e bashkëpunimin mes dy shoqatave të miqësisë”, ka thënë ai./GJILANI INFO/