Krahas qytetarëve të cilët posedojnë armë me leje, ka edhe të tjerë me armë pa leje, si: pistoleta, pushkë gjuetie, etj, si në Rajonin e Gjilanit poashtu dhe gjetiu në Kosovës. Meqë dihet se armët janë të rrezikshme për sigurinë e tyre si dhe sigurinë e përgjithshme publike, intervistuam, zëdhënësin e Policisë së Kosovës nga Rajoni i Gjilanit, togerin Ismet Hashani, i cili për Agjencinë e Lajmeve Gjilani INFO, tha fjalë të rëndësishme lidhur me këtë problematikë. Sipas tij, gjatë vitit të kaluaar nga Policia e Kosovës janë zbulaur dhe konfiskuar gjithësejt 104 armë të ndryshme, si dhe 2495 copë municione po ashtu të ndryshme.
Gjilani INFO: Cka mund të na thuani për poseduesit e armëve pa leje në Rajonin e Gjilanit, a kemi numër të madh të atyre që mbajnë armë të pa autorizuara?
Togeri Ismet Hashani: Sa i përket numrit të qytetarëve që mbajnë armë ilegale, nuk kemi ndonjë statistikë, gjë kjo e cila vështirë të dihet. E vërteta është se një numër i konsiderueshëm i qytetarve aplikojn në mënyrë ligjore që të kenë në posedim një armë me leje, kryesishtë armë gjuetie dhe për rekreacion, por edhe armë pistoleta.
Gjilani INFO: Cfare po bënë policia për zbulimin dhe konfiskimin e këtyre armëve?
Togeri Ismet Hashani; Drejtoria Rajonale e Policisë në Gjilan, përkatësisht Policia e Kosovës gjatë zbatimit të planve operative në terren dhe kontrolleve të automjeteve dhe personave kujdes të shtuar i shton edhe kontrollit për armë ilegale që mundë të gjenden në automjete apo edhe mund ti bartin personat në brez.
Gjilani INFO: Si po arrihet deri te zbulimi i tyre?
Togeri Ismet Hashani: Deri te zbulimi i armëve ilegale arrihet përmes informatave që policia posedon për mes rrugëve operative, përfshirë kontrollet e befasishëme, në pika kontrolli, informata e marrë nga rrjetet sociale, apo edhe përmes bastisjeve me urdhëresa të gjyatës.
Gjilani INFO: Sa arme ilegale jane zbuluar dhe konfiskuar vitin e kaluarne në Rajonin e Gjilanit?
Togeri Ismet Hashani: Gjatë vitit të kaluaar nga Policia e Kosovës janë zbulaur dhe konfiskuar gjithësejt 104 armë të ndryshme, si dhe 2495 copë municione po ashtu të ndryshme.
Gjilani INFO : Si e vleresoni rrezikun në aspektin e sigurisë prej këtyre armëve?
Togeri Ismet Hashani: Padyshim armët ilegale në duar të personave të pa autorizuar paraqesin rrezik gjithmonë, veqanërisht manipulimi me to gjatë festave familjare, dasmave apo ku do që përdoren armët paraqesin rrezik serioz së pari për jetën dhe shëndetin e atyre që i posedojn por edhe shkaktimi i rrezikut edhe për jetën e të tjerve. Policia e Kosovës gjatë vitit 2023 ka pas disa kampanja si “Festo me zemër e jo me armë”, “Ahenghet të mos kthehen në tragjedi”, por edhe takime të shumta me të gjithë pronarët e restoraneve që në as një mënyrë mos të lejojn gjuajtje me armë në ato lokale ku organizoheshin dasma dhe tubime familjare.
Gjilani INFO: Cili është apeli i Policisë së Kosovës për poseduesit e armëve pa leje?
Togeri Ismet Hashani: Policia e Kosovës apelon dhe thërret se posedimi i armës pa leje paraqet vepër penale, po ashtu paraqet rrezik permanent për ata persona që i posedojn, por edhe për të gjithë të tjerët. Për këtë arsye dorzimi i tyre te organet kompetente paraqet siguri dhe është e dobishme për të gjithë.
