Prokuroria Themelore në Gjilan ka ndërmarrë veprime në disa raste penale, duke ndaluar një person të dyshuar dhe duke ngritur tri aktakuza ndaj tre personave të tjerë.
Sipas njoftimit të Prokurorisë, më 5 nëntor 2026, me urdhër të prokurorit kujdestar, është ndaluar një person, i dyshuar për veprën penale “Kanosje”, e paraparë në nenin 181 të Kodit Penal të Republikës së Kosovës.
Ndërkaq, më 6 nëntor 2026, Prokuroria ka ngritur tri aktakuza ndaj tre personave, për vepra të ndryshme penale.
Njëra aktakuzë është ngritur për veprën penale “Kanosje”, tjetra për “Vjedhje”, ndërsa aktakuza e tretë për veprën penale “Mosrespektim i gjykatës”.
Prokuroria Themelore në Gjilan ka bërë të ditur se këto veprime janë ndërmarrë në kuadër të ushtrimit të kompetencave ligjore për trajtimin dhe ndjekjen e veprave penale./Gjilani INFO/
