Takimin e udhëhoqi Hysen Jerliu, anëtar i grupit teknik për hartimin e PNMIM, për Rajonin e Gjilanit dhe Ferizajt, dhe të pranishëm ishin edhe anëtarët e grupit teknik Zotrim Kastrati e Sami Morina.
Pjesëmarrësit u njoftuan në mënyrë të detajuar për këtë Plan, si dhe puna e madhe që është kryer brenda dy viteve.
U tha se këtu bëjnë pjesë 12 komuna të rajonit të Gjilanit dhe Ferizajt, dhe se është bërë një punë mjaft e madhe duke i grumbullur të gjitha të dhënat e nevojshme në të gjitha komunat.
Gjithashtu u falënderua e GIZ-i për ndihmën e ofruar përmes konsulentëve, të cilët kanë ndihmuar në realizimin e këtij projekti. Pas prezantimit kishte edhe pyetje të ndryshme të qytetarëve ku ata morën përgjigjet adekuate.
PNMIM, do të procedohet në seancën e ardhshme të Kuvendit Komunal, ku duhet të votohet nga asambleja komunale./GJILANI INFO/
