Arben Kurteshi
Ne jemi autorët e librit “Republika e Kosovës.” Kemi krijuar këtë vepër historike që u përfundua dhe u publikua më 17 Shkurt 2008, shpallur si shtet i pavarur dhe sovran. Ne kemi përgjegjësinë dhe të drejtat e çdo shkronje, rreshti, dhe kapitulli të këtij libri, dhe vetëm me lejen tonë mund të ndryshohet, hiqet, ose shtohet diçka në këtë libër.
Kujdesi dhe përgjegjësia për këtë libër janë në duart tona, mendjet tona, dhe ndërgjegjia jonë. Është përgjegjësia jonë të vendosim nëse dëshirojmë të bëjmë ndonjë ndryshim, të shtojmë apo heqim ndonjë fjalë, shkronjë, pikë, apo presje nga ky libër.
Ne mbajmë edhe përgjegjësinë që kapitujt e autorëve që kontribuan dhe nuk janë më me ne, të mos preken.
Prandaj, edhe nëse dikush kërkon ndryshime në marrëveshjen përfundimtare të këtij libri, vetëm ne kemi të drejtën dhe përgjegjësinë për të vendosur nëse, sa, dhe çfarë duam të ndryshojmë. Sepse ne jemi autorët që mbajnë të drejtat dhe përgjegjësinë për shtetin e pavarur dhe sovran të Kosovës./GJILANI INFO/
