Kryetari i komunës së Vitisë, Sokol Haliti, ka pritur sot në takim Albert Zogaj, kryesues i Këshillit Gjyqësor të Kosovës (KGJK), Venhar Salihu kryetar i Gjykatës Themelore në Gjilan, Alush Sinani kryetar Gjykatës Themelore Dega në Viti, drejtorin e Sekretariatit të KGJK-së, Shkelzen Maliqi dhe drejtorin e Logjistikës së SKGJK-së, Muhamet Kurtishaj.
Gjatë këtij takimi është diskutuar për ndërtimin e objektit të ri të gjykatës në qytetin e Vitisë.
Kryetari Haliti, i falënderoi për vizitën dhe i njoftoi mysafirët se komuna e Vitisë, e ka bërë ndarjen e parcelës për ndërtimin e objektit të Gjykatës Komunale dhe çerdhes, dhe ju ka ofruar mbështetje për ndërtimin e këtij objekti.
“Në vazhdimësi deri në përfundimin e objektit të gjykatës do ta keni përkrahjen e plotë nga komuna e Vitisë”u shpreh Haliti. Ai gjithashtu tha se nëse skemi gjyqësi dhe polici të mirë dhe natyrisht edhe objekte të mira, nuk mundë të funksionojmë në mënyrë efikase.
Ndërsa Albert Zogaj, kryesues i Këshillit Gjyqësor të Kosovës (KGJK), ka përgëzuar komunën dhe kryetarin e Vitisë, për ndarjen e parcelës për ndërtimin e objektit të Gjykatës Komunale si dhe për përkrahjen e vazhdueshme. Ai, poashtu ka folur për angazhimin e përbashkët për finalizimin e këtij objekti./Gjilani Info/
