Shkroi: Arben Kurteshi
Sa kohë mund të lundroj anija dhe të sillet nëpër oqean pa u fundosur derisa ti hargjohen karburantet, nëse kapiteni nuk e di cakun? Pa vizion dhe cak, sa kohë mund të qëndroj shteti ynë i ri mbi themelet e tij? Duke ndryshuar drejtimin çdo vit nganjëherë gati edhe çdo muaj; herë drejt „Mini Shengen“, herë drejt „Shkëmbim Territoresh“, herë drejt „Open Ballkan“ e herë, herë drejt „Asociacionit“ …. jo vetëm që është zbrazur rezervuari financiar i shtetit, por po zbrazet vendi edhe nga njerëzit! Vetëm me vizion mendje dhe ideal zemre mund ta gjejmë rrugën, inkurajimin e vendosmërin drejt arritjes.
„Madhësia e suksesit përcaktohet nga madhësia e besimit në sukses“! Se a është një vend i varfër apo i pasur, varet nga institucionet e tij.
“Politikanët në vendet e varfëra, nuk dinë se si funksionon ekonomia!“, kjo është hipoteza injorante ekonomike! Qyteti i ndarë në mes ( Amerikës dhe Meksikës) „Nogales“, në anën amerikane të ardhurat mesatare janë 30’000 $ në vit; ndërsa në atë meksikane vetëm 10‘000 $ në vit!
Shumë shtete, tregojnė se si u zhvilluan, dhe se si dështuan ekonomitë e tyre pas pavarësisë. Si arriti shteti afrikanë Botswana të zhvillojë ekonominë gati të barabart me Hungarinë! „Madhësia e suksesit përcaktohet nga madhësia e besimit në sukses“! „Nëse mendohet në qëllime të mëdha, presim arrijte të mëdha! Lajmi i mirë është edhe Irlanda, që brenda një gjenerate prej shtetit më të varfër në evropën perendimore në shtetin gati më të pasurë në botë, për kokë banori ! Prej 40-të miliardëve dollarë në fillim të viteve të 90-ta në mbi 133 miliardë dollarë në vitin 2008 ka arriturë rritja e produktivitetit të shtetit. Vetëm për 18-të vite rritje mbi 90 miliardë dollarë. Kjo arritje është bërë vetëm me rritjen e cilësisë të arsimit dhe thithjen e investicioneve të huaja! Para kësajë mrekullie ekonomike Irladës i ka migruar gjysma e popullsisë në Amerik rrethë 4 milion banorë.
Shembulli jo i mirë është në Sierra Leone menjëherë pas pavarësisë pushteti ndërpreu hekurudhën më të gjatë në vend e posa ndërtuar nga anglezët, nga frika se ata që e përdornin hekurudhën për transport mallërash mund të forcohen dhe ta marrin pushtetin! Gjermanët dy herë kanë dëshmuar se zhivillimi i shtetit mund të bëhet mbreda dy dekadave! Njëherë Gjermaninë Perendimore. Pas luftës së dytë botërore Gjermania Perendimore ishte bërë rrafshë me tokë edhe prap gjermanët vetëm 2 dekada më vonë në vitin 1965 filluan të kërkojn fuqi punëtore jashtë vendit të tyre.
Edhe në Kosovë kanë kërkuar punëtor në atë kohë. Kjo dëshmon më së miri, se sa shpejtë është zhvilluar Gjermania. Këtë e dinë shumë mirë baballarët tanë që ende janë gjallë, që punuan atje! Dhe prap me Gjermanin Lindore dëshmuan, prej vitit 1989 e deri me 2009 e zhvilluan shtetin e tyre për vetëm 20-të vite.
Japonia edhe pse ishte aq shumë e shkatërruar prej luftës së dytë botërore dhe nuk kishte ndihma nga amerikanët, sikur se gjermanët, arriti ta zhvillojë shtetin „ekonominë dhe industrinë“ e vet edhe më shpejt se gjermania, që i habiti fuqitë botërore në atë kohë. Pra ekonomia dhe industria e japonisë u zhvillua edhe më shpejt se 20-të vite!
Korea e Jugut në vitet e 60 e deri në vietet e 70-dhjeta kishte një standart më të ulët se ish- jugosllavia në tërësi. Korea e jugut arriti vetëm për 20-30 vite të bëhet një ndër shtetet më të rëndësishme në bote dhe ka disa vite që është në rrjetin global të 20 vendeve më të zhvilluara në botë! Gjithçka është e mundur ! „Madhësia e suksesit përcaktohet nga madhësia e besimit në sukses“! „Nëse mendohet në qëllime të mëdha, presim dhe arrimë qëllime të mëdha“!/GJILANI INFO/
