“7 Marsi – Rezistenca e mësuesit, si luftëtar i dijes në kohë të vështira, është hapi më i madh i pavarësimit të arsimit shqip, duke e krijuar besimin për pavarësi dhe Republikë. Por, fatkeqësia e madhe është se ata ishin të përjashtuar edhe nga dialogu social, pasi dhe qeveria i kishte mbyllur dyert për ta”, ka theksuar, kryetari i LDK-së Dega në Gjilan, Lutfi Haziri.
Sipas tij, në këtë ditë, nuk mund ta harrojmë kryetaren e parë të Forumit të Gruas së LDK-së në Gjilan, mësuesen tashmë të ndjerë, Makfire Vokshi, e cila ishte dhe mbetet mësuese e të gjithëve për udhën e lirisë e pavarësisë.
“Sot i kujtojmë edhe Nazmi Musën e Mexhit Hazirin, dhe përmes tyre, nderojmë të gjithë mësuesit e mësueset të cilët nuk janë në mesin tonë. Ata kanë dhënë shumë, kanë sakrifikuar dhe atë jo vetëm për arsimin e Kosovës”, ka nënvizuar Lutfi Haziri, kryetar i LDK-së, Dega në Gjilan “. /GJILANI INFO/
