A na përfaqëson veshja dhe çfarë tregon ajo rreth formimit tonë intelektual? Sa kombinohen me njëra-tjetrën etika dhe estetika në veshje?
Jetojmë ne kohën postmoderne ku individi kopjon modele dhe merr modele rreth veshjes, modës dhe trendit të kohës. Sipas trajtimit socio-antropologjik njeriu është i destinuar t’i përshtatet habitat ku ai ndodhet për arsye të ndryshme qofshin këto mbijetese apo social kulturore. Shpeshherë kërkojmë të përmirësohemi si në nivelin tonë kulturore ashtu edhe në pamjen e jashtme. Për ne është shumë e rëndësishme veshja dhe paraqitja e jashtme sepse epoka postmoderen sa po vjen dhe po i jep gjithnjë e më tepër rëndësi estetikës. Sipas shumë studimeve të bëra së fundmi ka një lidhje të fortë midis asaj që është etike dhe asaj që duhet të jetë estetikisht e bukur në pamjen e jashtme.
Një studim i fundit në Universitetin e Luizianës Monroe SHBA tregon që veshjet praktike të studentve i bënin të ishin me komode dhe estetikisht me praktik.
Sipas këtyre studiuesve shpeshherë në realitetin ku jetojmë na duhet të luajmë role ashtu si aktorët në skenë.
Jeta jonë është një art në vetvete ku veshja luan një rol të rëndësishëm për individin dhe për qasjen që do ketë në shoqëri. Role të cilat ia veshim vetes me profesionin tonë, me personalitetin tonë, me origjinën nga vijmë.
Dikush preferon të luajë këtë rol duke përfaqësuar veten e duke përmirësuar atë, duke qenë vetvetja e dikush vendos të luajë një rol që ka pranuar ta marrë përsipër. E këtu e kam fjalën për sindromin Kardashian, duke imituar estetikisht modele të instagramit apo edhe të rrjeteve të tjera sociale.
Këndvështrimi që jep sot psikologjia dhe antropologjia kulturore është se njeriu e ka të nevojshme një rol dhe si i tillë ai duhet të vendosë të jetë estetikisht i bukur dhe brenda normave të etikës.
Nga studimet e bëra së fundmi rezulton që njerëzit e veshur korrekt në punë apo edhe në ambientet e tjera janë më të suksesshëm si në punë ashtu në karrierë.
Çfarë simbolizon kjo?
-Njeriu prej natyrës së tij është mësuar të jetoj në lojë, njeriu nga natyrë tërhiqet drejt së bukurës. Duke patur parasysh këtë profil jetese, atij/asaj i duhet të përshtatet me ndryshimet e reja ose me normat e imponuara.
-Të vishesh bukur nuk do të thotë domosdoshmërish të paguash shumë para. Të kesh një kod etike në veshje tregon që je brenda normave të shoqërisë ku jeton dhe estetikisht korrekt.
-Mënyra se si kombinojmë veshjen tonë na tregon shumë mirë një pjesë të konsideratës që kemi për veten. Tregon se sa shumë e respektojmë dhe e duam veten.
-Veshja tregon edhe kreativitetin tonë për gjëra të bukura, lidhje midis asaj që quhet etike dhe estetike bëjnë diferencimin midis vulgares dhe modernes.
-Të vishesh thjeshtë dhe bukur krijon një energji më pozitive me veten por edhe me të tjerët.
-Prakticiteti asnjëherë nuk është jashtë mode.
-Ku ka më bukur sesa një kombinim praktik dhe i lehtë.
-Veshjet praktike na bëjnë më të shkathët dhe me të lehtë në punë apo në jetën e përditshme.
