Kryetari i komunës së Vitisë, Sokol Haliti, ka pritur sot në takim vlerësuesit James Newkirk dhe Juela Sheno nga Agjencia Suedeze për Zhvillim e Bashkëpunim Ndërkombëtar (Sida). Gjatë takimit është folur për projektet që janë realizuar në kuadër të bashkëpunimit të komunës së Vitisë me Fondacionin Kosovar për Trashëgimi Kulturore pa Kufij (CHwB Kosova).
Bëhet me dije se në takim është biseduar rreth aktiviteteve që janë zhvilluar për funksionalizimin e Muzeut Komunal në qytetin e Vitisë, aktiviteteve që janë zhvilluar në fshatin Letnicë si punëtoritë e ndryshme, restaurimin e mullirit në këtë fshat dhe për potencialet turistike të Vitisë.
Gjithashtu kryetari Haliti, ka folur edhe për krijimin e shtegut të “Nënë Tereza”, dhe për çështjet e tjera që ndërlidhen me trashëgiminë kulturore dhe rëndësinë e zhvillimit të turizmit në komunën e Vitisë.
Në këtë takim, kryetari Haliti theksoj se, krijimi i një muzeu ka qenë nevojë e kamotshme për banorët e kësaj komune, dhe të gjithë ata që dëshirojnë të vizitojnë komunë e Vitisë.
Ai tha se, ky objekt tani më është funksionalizuar, falë bashkëpunimit me CHwB Kosova. I pari i kësaj komune theksoj se, ata po vazhdojnë të punojnë në pasurimin e muzeut, dhe mbledhjen e artefakteve për muzeun e qytetit./GJILANI INFO/
