Kuvendi Komunal i Gjilanit ka miratuar sot buxhetin për vitin 2027, me 25 vota për, asnjë kundër dhe një abstenim.
Buxheti i miratuar kap vlerën prej 43,586,882 euro, duke shënuar një rritje prej 1.65 milionë euro, apo 3.95 për qind, krahasuar me vitin paraprak.
Ky buxhet është rezultat i dëgjimeve dhe konsultimeve të shumta publike, gjatë të cilave qytetarët kanë pasur mundësinë të paraqesin kërkesat dhe prioritetet e tyre për vitin e ardhshëm.
Miratimi i buxhetit me mbështetje të gjerë në Kuvendin Komunal reflekton bashkëpunimin institucional dhe përgjegjësinë ndaj qytetarëve të Gjilanit./Gjilani INFO/
