Këshilli Drejtues i Universitetit Publik “Kadri Zeka” në Gjilan është konstituuar sot, në mbledhjen e XVII-të të tij, pas përbërjes së re të Këshillit.
Në kuadër të konstituimit, në mbledhjen e XV-të ka dhënë betimin Arben Muji anëtarë i KD-së i emëruar nga MASh, kurse dy anëtarët e rinj të Këshillit Drejtues, të zgjedhur nga Senati i Universitetit, Sadik Haxhiu dhe Lutfi Zharku, kanë dhënë betimin dhe kanë nënshkruar deklaratat etike, duke marrë zyrtarisht përgjegjësitë si anëtarë të Këshillit Drejtues të UKZ-së.
Në vijim të punimeve, Këshilli Drejtues ka shqyrtuar propozimin për rritjen e numrit të prorektorëve nga katër në pesë, me krijimin e pozitës së Prorektorit për Buxhet, Financa dhe Infrastrukturë.
Pas miratimit të propozimit të u.d. të Rektores Fitore Malaj, Këshilli Drejtues ka zgjedhur Nexhat Shkodrën në pozitën e u.d. Prorektorit për Buxhet, Financa dhe Infrastrukturë. Kjo pozitë synon të kontribuojë në forcimin e menaxhimit institucional dhe në avancimin e proceseve që lidhen me buxhetin, financat dhe zhvillimin e infrastrukturës së Universitetit.
Me rastin e konstituimit të përbërjes së re të Këshillit Drejtues, Kryesuesja e KD-së Liza Rexhepi, e vlerësoi shumë të rëndësishme konstituimin e organit më të lartë drejtues të universitetit, derisa theksoi se të gjithë së bashku do të punojnë me përkushtim në zhvillimin e mëtejshëm akademik dhe institucional të Universitetit Publik “Kadri Zeka” në Gjilan./Gjilani INFO/
