Në QKMF “Dr. Nagip Rexhepi” në Gjilan është shënuar Dita Ndërkombëtare e Infermierisë – 12 Maji, me aktivitete të ndryshme në nder të infermierëve dhe stafit shëndetësor.
Me këtë rast, drejtori i QKMF-së, Dr. Basri Kamberi, së bashku me kryeinfermieren Violeta Hasani Mustafa, kanë ndarë mirënjohje për infermierë të dalluar nga Qendrat e Mjekësisë Familjare dhe Ambulancat e Mjekësisë Familjare, për profesionalizmin dhe përkushtimin e treguar në ofrimin e shërbimeve shëndetësore.
Në kuadër të aktiviteteve, para çdo QMF-je dhe AMF-je janë realizuar matje falas të tensionit arterial dhe glukozës për qytetarët, ndërsa stafi infermieror ka ofruar këshilla dhe edukim shëndetësor për promovimin e shëndetit dhe parandalimin e sëmundjeve.
Aktivitetet janë zhvilluar nën monitorimin e koordinatoreve Xhevahire Ymeri dhe Mesefare Maliqi, me qëllim të vetëdijesimit të qytetarëve për rëndësinë e kujdesit shëndetësor dhe rolin e infermierëve në komunitet.
Po ashtu, në bashkëpunim me Drejtorinë e Shëndetësisë dhe drejtoreshën Mimoza Kadriu, është organizuar edhe një koktej rasti, ku u shpreh mirënjohje për punën dhe angazhimin e profesionistëve shëndetësorë./Gjilani INFO/
