Drejtoresha për Shëndetësi dhe Mirëqenie Sociale, Mimoza Kadriu Qerimi, e shoqëruar nga ushtruesja e detyrës së zv. drejtoreshës së QKMF-së, Dr. Merrushe Ajeti Haziri, kanë vizituar qendrat e mjekësisë familjare në fshatrat Bresalc dhe Miresh.
Gjatë vizitës, ato u njohën nga afër me punën e stafit shëndetësor dhe vlerësuan angazhimin e tyre të vazhdueshëm në shërbim të pacientëve.
Po ashtu, u diskutua për projektet investuese që pritet të realizohen në këto dy qendra, ku shumë shpejt do të fillojë procesi i rinovimit.
Këto investime synojnë modernizimin e kushteve të punës dhe avancimin e shërbimeve shëndetësore, duke garantuar trajtim më cilësor dhe më të dinjitetshëm për qytetarët./Gjilani INFO/
