Pas më shumë se 17 vitesh shërbim dhe përkushtim ndaj pacientëve, është pensionuar mjekja gjilanase, specialiste e Mjekësisë Familjare, Dr. Shemsije Hajrizi.
Që nga viti 2009, ajo ka ushtruar profesionin e saj në Qendrën Kryesore të Mjekësisë Familjare “Dr. Nagip Rexhepi” në Gjilan, ku ka ofruar shërbime shëndetësore me profesionalizëm dhe përkushtim të vazhdueshëm ndaj pacientëve.
Dr. Hajrizi u pensionua më 6 mars 2025, duke përmbyllur një karrierë të gjatë në shërbim të shëndetit të qytetarëve. Me këtë rast, kolegët e saj e falënderuan për kontributin e çmuar dhe punën e palodhshme ndër vite.
Menaxhmenti i QKMF-së në Gjilan shprehu mirënjohje për angazhimin e saj shumëvjeçar dhe i uroi shëndet të mirë dhe jetë të qetë në vitet e pensionimit./Gjilani INFO/
