Me rastin e 7 Marsit Ditës së Mësuesit, Rektori i Universitetit Publik “Kadri Zeka” në Gjilan, Prof. Asoc. Dr. Artan Dërmaku, u ka përcjellë urimet më të përzemërta të gjithë mësimdhënësve, duke vlerësuar rolin dhe kontributin e tyre të jashtëzakonshëm në edukimin dhe formimin e brezave të rinj.
Në mesazhin e tij urues, rektori Dërmaku ka theksuar se mësuesit janë shtylla e dijes dhe e zhvillimit të shoqërisë, pasi përmes përkushtimit dhe profesionalizmit të tyre kontribuojnë në ndërtimin e një të ardhmeje më të mirë për vendin.
“7 Marsi është një ditë e veçantë për arsimin dhe për të gjithë ata që me përkushtim e dashuri përcjellin dijen tek gjeneratat e reja. Mësuesit janë udhërrëfyes të dijes dhe model frymëzimi për nxënësit dhe studentët. Në emër të Universitetit Publik “Kadri Zeka”, u shpreh mirënjohje të thellë për punën dhe sakrificën e tyre në shërbim të edukimit dhe zhvillimit të shoqërisë sonë”, ka thënë rektori Dërmaku.
Në këtë ditë simbolike, Universiteti Publik “Kadri Zeka” në Gjilan shpreh respekt dhe falënderim për të gjithë mësuesit, duke u uruar shëndet, suksese dhe përmbushje të misionit të tyre fisnik të arsimit.
URIME!
Prof. Asoc. Dr. Artan Dërmaku
REKTOR
