Kryqi i Kuq i Kosovës – Dega në Gjilan ka falënderuar Qendrën Tregtare Haliti – S.M & HSM për kontributin humanitar, dhënë gjatë muajit të shenjtë të Ramazanit.
E njejta ka dhruar 21 pako ushqimore për familjet në nevojë.
Sipas njoftimit, kjo ndihmë ka për qëllim mbështetjen e familjeve që përballen me vështirësi ekonomike, duke ua lehtësuar sadopak përditshmërinë gjatë kësaj periudhe të rëndësishme shpirtërore dhe solidariteti.
Nga Kryqi i Kuq në Gjilan u theksua se bashkëpunimi me bizneset dhe komunitetin është thelbësor për të arritur tek kategoritë më të ndjeshme të shoqërisë, ndërsa akti i dhurimit nga Qendra Tregtare Haliti u cilësua si shembull i përgjegjësisë sociale dhe humanizmit.
Institucioni humanitar ka shprehur mirënjohje për këtë gjest solidariteti, duke inkurajuar që iniciativa të tilla të vazhdojnë edhe në të ardhmen, në mbështetje të familjeve në nevojë në komunën e Gjilanit./Gjilani INFO/
