Fakulteti i Edukimit i Universitetit Publik “Kadri Zeka” në Gjilan ka vijuar me një sërë aktivitetesh në funksion të përgatitjeve për procesin e riakreditimit të programit studimor Arsimi Fillor, me qëllim sigurimin e përmbushjes së standardeve akademike dhe institucionale të kërkuara.
Në kuadër të këtyre përgatitjeve janë mbajtur takime të ndara me grupe të ndryshme, përfshirë stafin akademik, përfaqësuesit e shërbimeve administrative, studentët dhe alumnit e programit dhe pjesëmarrës të tjerë për këtë proces. Këto takime kanë shërbyer për adresimin e çështjeve specifike që lidhen me rolin dhe kontributin e secilit grup në procesin e riakreditimit.
Gjatë këtyre takimeve është diskutuar mbi strukturën e programit, cilësinë e mësimdhënies, përfshirjen e studentëve në proceset akademike, dokumentacionin përcjellës si dhe përmirësimet e nevojshme që ndihmojnë në avancimin e mëtejmë të programit studimor.
Një rol kyç në këto aktivitete kanë pasur bartësit e programit, Prof. Asoc. Dr. Shpresa Qamili, Prof. Ass. Dr. Fitore Malaj, Prof. Ass. Dr. Shqipe Avdiu dhe Prof. Ass. Dr. Habib Rexhepi, të cilët kanë koordinuar procesin, kanë ofruar sqarime të detajuara dhe kanë prezantuar punën e realizuar deri më tani, si dhe hapat që pritet të ndërmerren në vazhdimësi.
Përmes këtyre takimeve është mundësuar një komunikim më i drejtpërdrejtë me të gjitha palët e përfshira, duke krijuar një qasje gjithëpërfshirëse dhe bashkëpunuese ndaj procesit të riakreditimit./Gjilani INFO/
