Xhemile Adili
Ma thuaj një fjalë
Çfarëdo qoftë ajo
Vetëm le të jetë zë i shpirtit tënd…
Me atë zë dua t’i këndoj
Të gjitha këngët
Që përjetësojnë bukurinë
e shpirtit tënd…
Ma thuaj një fjalë
Që i bënë të çelin lulet
E kultivuara me bukurinë e duarve tua…
Me ato duar
dua të ma rregullosh
kurorën e dashurisë
sipas shijes sate
që unë të bëhem e vetmja
që mund ta ndjesh me shpirt…
Ma thuaj një fjalë
Që përjetëson lumin e dashurisë
Nëpër ty dhe nëpër mua
Dhe të bënë të ndihesh i dashuruar
Ma thuaj një fjalë
Që e bënë diellin e besimit
Të na shoqërojë kudo…
Nën dritën e tij
Dua t’i arrijë horizontet
Ku të pëlqen ty të takohemi…
Ma thuaj një fjalë
Qoftë edhe ajo :”Të dua”
Se të dua dhe vetëm të dua….
Se dua t’ia bëj shpirt
Gjithë asaj që ndjej
Dhe më bënë krenare…./Gjilani INFO/
