Në Komunën e Kamenicës u mbajt me sukses Kuvendi Zgjedhor i Këshillit të Nxënësve, një ngjarje e rëndësishme që shënon vitin e dytë të organizimit të zgjedhjeve komunale për përfaqësimin e nxënësve.
Në këtë proces morën pjesë të tri shkollat e mesme të komunës, dhe zgjedhjet u monitoruan dhe u drejtuan nga organizata KYC, e cila siguroi transparencë dhe korrektësi në çdo hap të procesit zgjedhor.
Pas procesit të votimit dhe me besimin e nxënësve, Blend Kastrati u zgjodh Kryetar i Këshillit të Nxënësve në nivel komunal për mandatin e tij të dytë. Ai arriti të sigurojë shumicën e votave, duke fituar besimin e bashkëmoshatarëve të tij për të vazhduar punën në këtë pozita.
Kështu, anëtarët e rinj të Kryesisë së Këshillit të Nxënësve janë:
• Blend Kastrati – Kryetar
•Olsa Demi – Nënkryetare
• Erza Shillova – Anëtare
• Etnik Kryeziu – Anëtar
• Elma Hysen – Anëtare
Mandati i kaluar ka qenë i suksesshëm, dhe ky mandat synon të jetë edhe më i fuqishëm, duke pasur në fokus përfaqësimin dinjitoz të të gjithë nxënësve të komunës. /Gjilani INFO/
