Në kuadër të marrëveshjes me Kolegjin AAB në Prishtinë dhe në bazë të Planit të Veprimit në kuadër të hulumtimeve të programeve universitare dhe programeve trajnuese për arsim dhe aftësim të mëtutjeshëm dhe përgatitjes për aplikim, 95 nxënës maturantë të Gjimnazit Natyror “Xhavit Ahmeti”, Gjilan, si dhe qindra të tjerë nga shkollat e mesme të Gjilanit, të shoqëruar nga këshilltari për karrierë Enver Sadiku, i kanë bërë një vizitë Kolegjit AAB në Prishtinë.
Ata, ga afër janë njoftuar me programet që ofron ky Institucion i Lartë i Arsimit në Kosovë.
Maturantët nëpërmjet ligjëruesve nga Kolegji AAB, nga afër kanë parë dhomat e mësimit, kabinetet, punëtoritë dhe të gjitha hapësirat në të cilat operon Kolegji AAB, kurse atyre u janë prezantuar të gjitha departamentet e këtij kolegji.
Prezantimi ka zgjatur disa orë dhe në fund të prezantimit para maturantëve është dhënë një shfaqje nga Teatri i AAB-së. /Gjilani INFO/
