Komisioni për Administrimin e Prokurorive, nën kryesimin e Kryesuesit z. Jetish Maloku, mbajti sot mbledhjen e radhës, në të cilën morën pjesë anëtarja e Komisionit, znj. Laura Pula, udhëheqësi i Departamentit të Teknologjisë së Informacionit në Sekretariatin e Këshillit Prokurorial të Kosovës, z. Nexhat Haziri, si dhe zyrtarë nga Sekretariati i Këshillit Prokurorial të Kosovës dhe Njësia për Shqyrtimin e Performancës së Prokurorëve.
Gjatë mbledhjes, Komisioni shqyrtoi në mënyrë të detajuar dy analiza të hartuara për vlerësimin e nevojave për prokurorë, përkatësisht në Prokurorinë Themelore në Prishtinë dhe Prokurorinë Themelore në Prizren.
Ndërkaq, lidhur me analizën për Prokurorinë Themelore në Prizren, Komisioni vendosi që e njëjta të plotësohet dhe përpunohet më tej, duke reflektuar të dhënat më të fundit mbi ngarkesën me lëndë dhe kapacitetet njerëzore.
Pas plotësimit, e njëjta do të kthehet për rishqyrtim në këtë Komision, me qëllim të identifikimit të saktë të nevojave për fuqizimin e kapaciteteve njerëzore, rritjen e efikasitetit në trajtimin e lëndëve, përmirësimin e cilësisë së punës prokuroriale dhe përshpejtimin e procedurave të punës në këtë prokurori./Gjilani INFO/
