Arbër Ismajli, kandidati i LDK-së për kryetar të Komunës së Gjilanit
Zotohemi që do të krijojmë kushte të favorshme bashkërisht për çdo biznes!
Bashkë me kandidaten tonë për Asamble Komunale, Donita Hazirin, vizituam Fabrikën e Bicikletave “Pilot Bike”.
Një prej bizneseve më të suksesshme të qytetit tonë, që me punë, përkushtim dhe inovacion po e bën emrin e Gjilanit të njihet në tregjet vendore e ndërkombëtare.
Në Bresalc, pamë nga afër fabrikën e re, e cila shumë shpejt do të jetë në funksion, duke krijuar vende të reja pune dhe duke sjellë një standard të ri të prodhimit modern në vend.
Një falënderim i veçantë për pronarin, z. Ibrahim Krivaqa, për punën e jashtëzakonshme që ka bërë ndër vite, për vizionin e tij të qartë dhe për faktin që ka dëshmuar se edhe nga Gjilani mund të ndërtohet një histori suksesi që njihet në gjithë botën.
Bizneset si “Pilot Bike” janë modeli më i mirë i asaj që duam ta përkrahim dhe ta shumëfishojmë në qeverisjen tonë të ardhshme, prodhim, punësim, eksport dhe zhvillim të qëndrueshëm ekonomik.
Faleminderit shumë për mikpritjen e ngrohtë dhe zotohemi që do të krijojmë kushte të favorshme bashkërisht për çdo biznes!
