“Vendimi për zhvendosjen e drejtorive komunale dhe administratës në objektin e Shkollës së Agrobiznesit në Lagjën e Vishnjeve nuk është zgjidhje e mirë dhe cenon funksionalitetin institucional”, ka thënë Arbër Ismajli i LDK-së, njëherësh kandidat i këtij subjekti politik, për kryetar të Komunës së Gjilanit.
Sipas tij thuhet se distanca, kostot shtesë për punëtorët dhe qasja e vështirësuar për qytetarët krijojnë barriera të panevojshme në ofrimin e shërbimeve publike.
“Ne zotohemi që menjëherë pas marrjes së mandatit, të rikthejmë të gjitha shërbimet komunale në qendër të qytetit, duke garantuar efikasitet, qasje më të lehtë dhe standard më të lartë të shërbimit publik”, ka thënë Arbër Ismajli.
