Me rastin e Ditës Botërore të Pastrimit, nën moton “Ta pastrojmë Kamenicën”, Komuna e Kamenicës përmes Drejtorisë për Shërbime Publike, Ambient, Inspektorat dhe Emergjenca, ka organizuar një aksion të gjerë pastrimi në gjithë territorin e komunës.
Kësaj nisme për një ambient më të pastër i është bashkuar kryetari Kadri Rahimaj së bashku me zyrtarë komunalë, punëtorë të NPL Dardana.
Poashtu edhe nxënës të shkollave të Kamenicës, i janë bashkuar aksionit ku u pastruan disa deponi ilegale, si dhe oborret e shkollave, kopshteve e hapësira të tjera publike përreth objekteve.
Komuna e Kamenicës falënderon të gjithë pjesëmarrësit dhe thekson se mbajtja e mjedisit të pastër është përgjegjësi e përbashkët e secilit qytetar.
Kamenica është komunë e gjelbër dhe si e tillë do të ruhet dhe mbahet nga të gjithë, thuhet në njofitmi ne Komunës. /GJILANI INFO/
