Kryetari i Komunës së Gjilanit, Alban Hyseni, i shoqëruar nga deputetja e Kuvendit të Kosovës, Arbëreshë Kryeziu Hyseni, kanë vizituar Qendrën për Mbrojtjen dhe Rehabilitimin e Grave dhe Fëmijëve “Liria” në Gjilan.
Drejtoresha e Qendrës për Mbrojtjen dhe Rehabilitimin e Grave dhe Fëmijëve “Liria”, Nazife Jonuzi, ka folur për shërbimet dhe sfidat me të cilat përballet kjo qendër.
Mysafirët u njoftuan, se gratë dhe fëmijët që janë viktima të dhunës gjejnë strehim në këtë strehimore, e cila ofron për ta shtëpinë që atyre i mungon.
Por përtej një strehimi, është një zingjir i gjatë i hapave deri në riintegrim të viktimës.
Prandaj me kryetarin u folën një sërë zgjidhjesh dhe hapa konkret që pritet të ndërmerren në të ardhmen./GJILANI INFO/
