“Në hapësirat e Stacionit Policor në Kllokot, në prani Zëvendës Komandantit të Policisë së Kosovës Remzi Azemi, dhe Rreshter Major i regjion i Lindjes përfaqësues i KFOR-it CSGM Cristopher LEMAIRE është përuruar dhoma mike, donacion i KFOR-t Amerikan”, ka njofuar togeri Ismet Hashani, zëdhënës i Policisë Rajonale të Gjilanit.
Sipas tij, në përurim po ashtu thuhet se kanë marrë pjesë stafi i Drejtorisë Rajonale të policisë Gjilan, stacionit policor në Partesh si dhe nën kryetariryetari i Komunës së Parteshit.
Dhoma mike e përuruar sot është investuar nga misioni paqeruajtës në Kosovë, KFOR-i Amerikan.
Me këtë rast, nënkolonel Azemi falënderoj KFOR për mbështetjen dhe doancionin për mobilimin e dhomës mike e cila do të ofroj kushte optimale për intervistimin e viktimave të dhunës në familje në veçanti.
Edhe Rreshter Major CSGM Cristopher LEMAIRE vlerësoi lartë bashkëpunimin me Policinë e Kosovës dhe shprehu gatishmëri që edhe në të ardhmen të gjejë forma bashkëpunimi dhe mbështetje për Policinë e Kosovës.
“Njëzëri u vlerësua se ky investim është mjaft i rëndësishëm për përmirësimin e kushteve dhe akomodimin e përkohshëm të viktimave të dhunës në familje”, thotë ai.
Bëhet e ditur se ky investim ka për qëllim krijimin e një ambienti sa më të sigurt, të rehatshëm dhe më të denjë për rikuperimin e viktimave, duke mundësuar kushte më të mira për strehim dhe përkujdesje të menjëhershme.
“Investimet përfshijnë renovimin e hapësirës, pajisjen me mobilie të reja, shtimin e pajisjeve të nevojshme teknologjike, si dhe krijimin e një ambienti që ofron mbështetje psikologjike dhe emocionale për personat në nevojë”, ka thënë togeri Hashani.
Në fund thuhet se institucionet e përfshira ri konfirmojnë përkushtimin e tyre për të bashkëpunuar në luftën kundër dhunës në familje, duke ofruar mbështetje të vazhdueshme për viktimat dhe duke fuqizuar mekanizmat mbrojtës./GJILANI INFO/
