Policia e Kosovës respektivisht njësitë policore kufitare nga SPMK– Muqivërc (DRK Lindje), pas pranimit të informatave kanë ndërmarrë veprime taktike operative, ku si rezultat më datën 26.08.2025 në fshatin Domorovc u parandalua një rast i kontrabandës, bëhet e ditur nga Policia.
Sipas Policisë, gjatë operacionit është ndaluar automjeti me targa vendore i cili drejtohej nga personi i dyshuari mashkull kosovar, ku gjatë kontrollit të automjetit janë gjetur 40 krerë kafshë të imëta (keca) vlera e të cilave llogaritet rreth 6,000 €, për të cilat i dyshuari nuk kishte prezantuar asnjë dokument përkatës.
Ndërkaq, lidhur me rastin thuhet se është njoftuar prokurori kujdestar me udhëzim të të cilit inicohet rasti, ndërsa kafshët janë dorëzuar në doganën kompetente.
“Policia e Kosovës mbetet e përkushtuar në parandalimin dhe luftimin e të gjitha formave të krimit, përfshirë edhe kontrabandën, dhe falënderon qytetarët për bashkëpunimin e tyre të vazhdueshëm, thuhet në njoftimin autoritetet zyrtare policore të Kosovës./GJILANI INFO/
