Njësitet patrulluese nga Drejtoria Rajonale Kufitare Lindje në bashkëpunim edhe me njësitë relevante policore kanë arritur që ta parandalojnë një rast të kontrabandës në fshatin Bugjenicë, Komuna e Kamenicës, dje në orët e pasditës.
Ndërkaq, si rezultat i reagimit të shpejtë nga njesitet policore kanë ndaluar dy automjete të dyshuara me dy drejtuesë të dyshuarit shtetas të Kosovarës.
Sipas autoriteteve zyrtare policore, thuhet se të njejtit kishin të ngarkuar mallra/çokollata vlera orientuese e të cilave sipas çmimeve të tregut arrin rreth dymijë e pesëqind euro (2,500 €) (në sasi 4032 copë dhe 2240 copë) për të cilat të dyshuarit nuk posedonin dokumentacionin e nevojshëm ligjor.
Me urdhër të prokurorit kompetent është iniciuar rast për shkelje të ligjit “Kundërvajtje Doganore”, ndërsa mallrat e gjetura janë konfiskuar dhe i janë dorëzuar Doganës së Kosovës.
Policia e Kosovës mbetet e përkushtuar në parandalimin dhe luftimin e të gjitha formave të krimit dhe falënderon qytetarët për bashkëpunimin dhe mbështetjen e tyre të vazhdueshme, thuhet nga Policia./GJILANI INFO/
