Është mbajtur takimi lidhur me temen për Nahçen e Kamenicës. Në këtë takim u prezantuan ide dhe propozime për shndërrimin e këtij lokaliteti në një hapësirë të re të përbashkët e funksionale.
Kryetari Kadri Rahimaj theksoi rëndësinë e përfshirjes aktive të qytetarëve në vendimmarrje për projekte të tilla.
“Qëllimi ynë është që ky lokalitet të ketë një pamje të re. Nuk është zonë e gjelbër, është tokë pjerrinë e pashfrytëzueshme dhe shpeshherë e rrezikshme, e cila prej vitesh nuk është në funksion. Ne kemi një ide që të bëhet pronë e përbashkët e gjelbër dhe zhvillimore. Roli juaj është shumë i rëndësishëm në këtë koncept. Ende nuk kemi vendosur projektin final, sepse duam ta bëjmë bashkë me ju”, u shpreh Kryetari Rahimaj, duke theksuar se hapësira do të mbetet pronë publike dhe e hapur vetëm për qytetarët e Kamenicës, por njëkohësisht tërheqëse edhe për turist nga vende tjera.
Nga ana tjetër arkitekti dhe dizajneri Ibrahimi Beqiri rikujtoi historinë e kësaj hapësire dhe rëndësinë e bashkëpunimit.
“Idetë e përbashkëta i bëjnë qytetarët të jetojnë më mirë. Dikur ka qenë hapësirë prodhuese, një serrë që ka ushqyer një pjesë të Kamenicës. Edhe tani do të mbetet pronë publike, por do t’i ndryshohet koncepti”, ka thënë ai duke prezantuar edhe disa nga propozimet e dhëna përmes platformës online.
“Në google forms përmes një pyetësori se si e paramendoni bahçen janë dhënë disa propozime përfshirë: liqen artificial, çarshi të vogël tradicionale, park, pishinë të brendshme, pishinë olimpike, stadium të madh të qytetit, kampus universitar ndërkombëtar, park botanik, qendër tregtare e biznesore, qendër multifunksionale, hotel me 3/4 yje dhe komplekse afariste-biznesore”, ka thënë ai.
Gjatë këtij takimi pjesëmarrësit u ndanë në grupe pune, ku secili grup prezantoi idetë e veta për zhvillimin e Bahçqes si: liqen artificial me hapësira rekreative, muze, kopsht zoologjik, terrene sportive, minigolf, pishine olimpike, hotel.
Ndërsa disa nga propozimet e bizneseve takim kishin të bëjnë kryesisht me ndërtim dhe zhvillim të aktivitete e afariste./GJILANI INFO/
