Mbrëmjen e ditës së djeshme, në qytetin e Vitisë pas një mosmarrëveshje verbale mes dy personave të moshës së mitur, njëri prej tyre ka goditur tjetrin me bisht sëpate në zonën e krahrorit.
I godituri me bisht sëpate është dërguar urjentisht në Spitalin Rajonal të Gjilanit, ku edhe është konstatuar se ndodhet jashtë rrezikut për jetë edhe përkundër lëndimeve trupore të konsiderueshme.
Për rastin hetimet i ka ndërmarrë Njësia e Hetimeve të Krimeve të Rënda (NJHP).
Ajo ka intervistuar viktimën në emergjencë dhe të dyshuarin në prani të prindit dhe avokatit.
Me vendim të Prokurorit të Shtetit, personi me iniciale F.L. është ndaluar për 24 orë në Qendrën e Mbajtjes, ndërsa procedura hetimore është duke vazhduar për rastin.
Edhepse motivi i sulmit dyshohet të jetë një konflikt verbal i çastit, autoritetet përkatëse po hetojnë nëse ka pasur diçka të mëhershme mes palëve./GJILANI INFO/
