Komuna e Vitisë ka vazhduar me ciklin e dëgjimeve buxhetore për planifikimin e buxhetit komunal 2026-2028. Me këtë rast dje është mbajtur takimi me përfaqësues të OJQ-ve dhe të shoqatave. Prezantimin e draft buxhetit e bëri zv.kryetari i komunës së Vitisë, Hasan Aliu dhe drejtoresha për Ekonomi, Financa dhe Zhvillim, Milihate Ajeti.
Gjatë këtij takimi ku fatkeqësisht kanë marrë pjesë një numër i vogël i përfaqësuesve të OJQ-ve dhe shoqatave të cilët parashtruan këto kërkesa:
– Të jepet mbështetja e duhur sipas kërkesave që kanë ata.
– Para mbështetjes të shikohet se cilat OJQ dhe shoqata kanë bërë më shumë aktivitete që kjo të merret parasysh para ndarjes së mjeteve financiare.
Përndryshe cikili i dëgjimeve buxhetore do të përmbyllet javën në vijim konkretisht me datën: 04.08.2025, kur edhe do të mbahet takimi i fundit në fshatin Binçë me komunitetin jo shumicë dhe atë me fillim në ora : 10:00./GJILANI INFO/
