Kanë nisur aktivitetet “Ditët e Mërgatës” -“Rrënjë dhe krahë”, të organizuara nga Drejtoria për Kulturë Rini e Sport e Komunës së Gjilanit.
Aktivitetet nisen me orën letrare nga shkrimtarët me fëmijët dhe prindërit nga mërgata në Bibliotekën e qytetit.
Nënkryetarja e Komunës së Gjilanit, Leonora Morina Bunjaku, tha se kjo ngjarje përkon me një nga ngjarjet më të ndjeshme dhe më domethënëse të kalendarit kulturor të Komunës së Gjilanit – Ditët e Mërgatës, me moton kuptimplotë “Rrënjë dhe krahë”.
Sipas saj në këtë ore letrare, mes vargjeve dhe fjalëve që lidhin zemrat, festojmë dy gjëra thelbësore: rrënjët tona që na mbajnë të lidhur me vendlindjen, dhe krahët që i kemi dhënë fëmijëve tanë për të fluturuar në botë, pa harruar kush janë dhe nga vijnë.
“Të rinjtë dhe fëmijët e mërgatës janë urë e fuqishme mes Kosovës dhe diasporës sonë të dashur. Ata janë trashëgimtarë të kulturës, gjuhës, kujtesës, por edhe bartës të ëndrrave të reja. Është detyra jonë, si institucione, të ruajmë këtë lidhje shpirtërore e kulturore me dashuri dhe përgjegjësi”, tha Leonora Morina Bunjaku.
Nënkryetarja, në emër të Komunës së Gjilanit, falënderoj Lidhjen e Shkrimtarëve – Dega Gjilan, Bibliotekën “Fan S. Noli” dhe të gjithë pjesëmarrësit për këtë takim të ngrohtë që, përmes fjalës artistike dhe kujtimeve të përbashkëta, na e përkujton se mërgata jonë nuk është larg – ajo është pjesë e pandashme e Gjilanit tonë.
“Ju faleminderit dhe mirë se keni ardhur në shtëpinë tuaj”, tha nënkryetarja Morina Bunjaku.
I pranishëm ishte edhe drejtori për Kulturë Rini dhe Sport, Kushtrim Zeqiri dhe zyrtarë tjerë e shkrimtarë.
Aktivitetet vazhdojnë me 28 korrik në orë 20:00 me koncertin festiv në qendër të qytetit, ku do të këndojnë Naser Berisha e Aleksander Gjoka./GJILANI INFO/
