“629 lindje janë kryera nga 1 janari deri në fund të muajit qershor të vitit 2025, në kuadër të Repartit të Gjinekologjisë – Obstetrikë”, njofton Spitali i Përgjithshëm i Gjilanit.
Prej tyre, 268 janë kryer me operacion, kurse të tjerat përmes procesit normal të lindjes.
Nga numri i përgjithshëm i lindjeve, ka pasur 5 raste të binjakëve, gjithashtu janë realizuar 4947 vizita specialistike në shërbimin e Gjinekologjisë dhe Obstetrikës.
“Jemi të vetëdijshëm se gjithmonë ka vend për përmirësim të shërbimeve prandaj vazhdimisht do të jemi kërkues në këtë aspekt”, njofton Spitali i Përgjithshëm i Gjilanit./GJILANI INFO/
