Kryetari i komunës së Vitisë, Sokol Haliti i shoqëruar nga zëvendësi i tij, Hasan Aliu dhe drejtoresha e Arsimit, Arta Ajeti kanë pritur sot në takim mësimdhënësit vitias, Ismet Alidema dhe Habib Rexhepi për t’i falënderuar ata për kontributin e tyre shumë vjeçar në fushën e arsimit. Përndryshe sot mësimdhënësi, Ismet Alidema është pensionuar derisa mësimdhënësi tjetër Habib Rexhepi, pritet të kaloj si profesor universitar në Universitetin “Kadri Zeka “ në Gjilan.
Me këtë rast, kryetari Haliti, pos që i falënderoj ata për kontributin e tyre të çmuar ju ndau edhe nga një mirënjohje, duke lavdëruar ata për punën e tyre në edukimin e brezave të rinj dhe në zhvillimin e arsimit në komunën e Vitisë. Përndryshe nga një fjalë rasti patën edhe ata dy duke falënderuar kryetarin për respektin dhe mirënjohjen që shprehu sot ndaj tyre./GJILANI INFO/
