Kreu i AAK-së, Dega në Gjilan, Nazim Gagica, njëherit edhe kandidat për postin e kryetarit të komunës së Gjilani në zgjedhjet lokale të cilat mbahen në muajin tetor, ka prezantuar Ibish ibishin, njërin prej atyre që do ta begatoj listën e AAK-së në garën për asamble komunale.
Kreu i këtij subjekti politik, ka përmendur tri mandatet e mëparshme të Ibish ibishit në Kuvendin Komunal të Gjilanit duke i vlerësuar se ishin të suksesshme.
“Ibish Ibishi ka dëshmuar përkushtim dhe përfaqësim të denjë, veçanërisht për banorët e Mireshit, duke qenë zë i fuqishëm për kërkesat dhe nevojat e tyre”, ka thënë Gagica.
Nga ana tjetër, ka vënë në pah edhe përvojën mbi 30 vjeçare të tij në shërbim të shëndetit publik.
“Ibishi ka shërbyer me përkushtim dhe ndershmëri në institucionet shëndetësore, gjithmonë në anën e qytetarit.
Ai ka thënë se Ibishi si veprimtar i devotshëm i çështjes kombëtare dhe i përndjekur nga ish-sistemi, përfaqëson një brez që nuk është dorëzuar kurrë përballë sfidave – dhe këtë përkushtim e bart me vete edhe sot në politikën lokale.
Sipas tij, në mandatin e fundit mungesa e tij në Kuvend është ndjerë thellë.
“Rikthimi i Ibishit nuk është thjesht nevojë, është domosdoshmëri për një Kuvend më të përgjegjshëm dhe më afër qytetarit. Rikthimi i tij është rikthim i zërit të qytetarëve të ndershëm”, ka thënë kreu i AAK-së në Gjilan, Nazim Gagica. /GJILANI INFO/
