Sot, në Komunën e Vitisë, janë djegur mbi 40 ari grurë, duke shkaktuar dëme të mëdha materiale dhe rrezikuar seriozisht jetën dhe pronën e qytetarëve, ngjarje kjo për të cilën ka njoftuar Drejtoria për Bujqësi e kësaj Komune.
“Jemi në kulmin e sezonit të verës, me temperatura të larta dhe thatësi të theksuara, të cilat rrisin në maksimum rrezikun e përhapjes së zjarreve në ara, livadhe, pyje dhe hapësirat e tjera të hapura” është thënë përmes një komunikate, lëshuar nga kjo Drejtori.
Nisur nga ky këndvështrim edhe ka apeluar që të shmangen të gjitha llojet e ndezjeje në ambiente të hapura, përfshirë edhe djegien e mbeturinave, kashtës apo çdo aktivitet tjetër që mund të shkaktojë zjarr.
Ndërkaq, ka kërkuar që të lajmërohen menjëherë të gjitha rastetet e zjarreve të cilat mund të vërehen e që për pasojë mund të kenë dëme dhe rreziqe eventuale.
E njejta Drejtori ka apeluar që rastet emergjente të lajmërohen menjëherë nga qytetarët, në këta numra: Emergjenca – 112, Zjarrfikësit – 193, Policia e Kosovës – 192 si dhe Ndihma e Shpejtë – 194, e që të gjitha këto thirrje mund të bëhet pa pagesë.
“ Duhet të kuhet kujdesë, sepse zjarrvënia e qëllimshme apo nga pakujdesia cilësohet se vepër penale dhe si e tillë, ndëshkohet me ligj”, kujton kjo Drejtori.
Nga kjo Drejtori thuhet se tokat duhet të llogariten si pasuri të përbashkëta, andaj edhe duhet ruajtur prej zjarreve, sepse pakujdesitë e vogëla mund të sjellin katastrofa të madhe./GJILANI INFO/
