Kreu i AAK-së në Gjilan, Nazim Gagica, kandidat i nominuar për kryetar të Komunës së Gjilanit në zgjedhjet lokale që do të mbahen me 12 tetor, ka thënë se Kuvendit të ardhshëm i duhet Fatmir Shurdhani i cili është zëri i qytetarit, zë ky që shpesh here është harruar, por që nuk ka heshtur asnjëherë
“Fatmir Shurdhani, Drejtor Ekzekutiv i Hendikos-it në Gjilan, për shumë ka qenë zëri dhe shtylla e personave me aftësi të kufizuara. Ai ka luftuar për të drejta. Ka qenë i paepur, edhe kur është dashur të jetë kritik ndaj politikës. Por gjithmonë në mbrojtje të një qëllimi: dinjiteti dhe përfaqësimi i barabartë për çdo qytetar”, ka thënë Gagica.
Ai ka thënë se nuk ka më kohë për Kuvende formale dhe pasive.
Sipas tij, Gjilanit i duhet jo vetëm një qeverisje ndryshe, por edhe një Kuvend funksional. Kuvendit i duhet zëri i qytetarit, – i duhet Fatmiri, andaj edhe na priftë e mbara
Nga ana tjetër, Fatmir Shurdhani ka shprehur dëshirën që edhe në këtë mënyrë të jetë zëri i personave me aftësi të kufizuara, andej për të qenë aktivisht në politikë ka zgjjedhur Aleancën.
E, që, sipas tij, kanë për qëllim që të angazhohen për të krijuar mundësi të barabarta në shoqëri, për të gjithë, përmes vendimeve që do të nxjerrën nga Kuvendi Komunal.
Shurdhani ka thënë se: “Angazhimi ynë do të jetë në atë drejtim që ky organ legjislativ të vihet në shërbim të plotë të qytetarëve pa dallim, duke përfshirë edhe personat me aftësi të kufizuara”./GJILANI INFO/
