Drejtoresha e Zhvillimit Ekonomik, Burbuqe Leka, së bashku me Koordinatoren e Njësisë Komunale për të Drejtat e Njeriut Nazmije Demolli Kastrati, Zyrtaren për Barazi Gjinore, Kosovare Maroca Berisha dhe përfaqësuesin e OSBE-së për Komunën e Kamenicës Faruk Dermaku, kanë pritur në takim Ambasadorin e Mbretërisë së Bashkuar në Kosovë, z. Jonathan Hargreaves.
Drejtoresha Leka tha se në këtë takim Ambasadori është njoftuar për aktivitetet e Grupit Joformal të Grave, të cilin e udhëheq ajo, si dhe për punën e saj si Drejtoreshë për Zhvillim.
“Pas takimit, vizituam Parkun Teknologjik të komunës tonë dhe diskutuam për mundësitë e bashkëpunimit në të ardhmen.
Në përfundim, Ambasadori është shoqëruar në një vizitë në Liqenin e Rubovcit, një prej bukurive natyrore të komunës sonë.
Të lumtur që Kamenica po tërheq vëmendjen dhe interesimin e ambasadave të vendeve mike. Kamenica që duam”, ka thënë ajo./GJILANI INFO/
