Drejtoria e Shëndetësisë dhe Mirëqenies Sociale në Kamenicë ka bërë thirrje për gjithë qytetarët e kësaj komune që të tregojnë kujdes të shtuar për shëndetin e tyre dhe të familjarëve gjatë këtyre ditëve kur temperaturat janë të larta.
Ekspozimi i zgjatur në diell mund të shkaktojë pasoja serioze, si: goditje nga i nxehti, dehidrim dhe lodhje të skajshme.
Andaj edhe ka rekomanduar, që:
- Të shmangni daljet në diell gjatë orëve më të nxehta të ditës (prej orës 11:00 deri në 17:00);
- Të keni kujdes me ushqimin e yndyrshëm;
- Të konsumoni shumë ujë dhe lëngje natyrale;
- Të qëndroni në ambiente të freskëta dhe të ventilueshme;
- Të keni kujdes të veçantë për fëmijët, të moshuarit dhe personat me sëmundje kronike.
“Shëndeti juaj është prioritet. Ju lutemi, tregoni kujdes dhe qëndroni të sigurt. Kujdesuni për veten dhe për njëri-tjetrin” është thënë në një komunkatë lëshuar nga kjo Drejtori./GJILANI INFO/
