Këshilli i Përgjithshëm i Aleancës për Ardhmërinë e Kosovës (AAK), në mbledhjen e sajë, ka miratuar me vota unanime një pjesë të kandidaturave për zgjedhjet lokale të 12 tetorit, në mesin e tyre edhe kandidaturën e Nazim Gagicës, i cili ka marr besimin e kandidatit për kryetar të Komunës së Gjilanit.
Gagica ka njoftuar qytetarët e Gjilanit, aktivistët dhe strukturat drejtuese të AAK-së për mbledhjen e Këshillit të Përgjithshëm të Aleancës për Ardhmërinë e Kosovës, në të cilën edhe iu besua dhe u nderua me nominimin kandidatit për kryetar të Komunës së Gjilanit.
“Për mua ishte një moment i veçantë, përgjegjësi e madhe si dhe një detyrim ndaj të gjithë atyre që besojnë ndryshimin, në punë të ndershme dhe zhvillim të qëndrueshëm për qytetin tonë”, ka thënë Nazim Gagica.
Njëherit, edhe është shprehur falënderues për besim.
Ai ka faleminduar përzemërsisht strukturat drejtuese të partisë dhe secilin prej tyre që i qëndrojnë pranë.
“Angazhimi im do të jetë i palëkundur për një Gjilan më të zhvilluar, më të drejtë dhe më afër qytetarit. Bashkë për Gjilanin”,, ka thënë Nazim Gagica, kreu i AAK-së së Gjilanit, e që tani edhe zyrtarisht është kanddiat i këtij subjekti politik për kryetar komune në zgjedhjet lokale të 12 tetorit./GJILANI INFO/
