Stafi i Dermatologjisë nga Spitali i Përgjithshëm Gjilan në bashkëpunim me Euromelanoma-Kosova dhe Shoqata e Dermatologëve të Kosovës, ka organizuar dje para Teatrit të qytetit të Gjilanit kampanjen sensibilizuese kundër kancerit të Lekurës.
“Me rastin e muajit të ndërgjegjësimit ndaj melanomës malinje stafi ynë organizoi një kampanjë sensibilizuese kundër kancerit të lëkurës, qytetarëve ju mundësua kontroll specialistike falas, mjekët dhe infermieret tanë ofruan këto shërbime duke dhënë rekomandime dhe këshilla për qytetarët”, është thënë nga stafi në fjalë.
Ndërkaq, njoftohet se gjatë kësaj kampanje janë ofruar: Kontrolla dermatologjike falas, ekzaminime me dermoskopi poashtu falas si dhe fletushka informuese për parandalimin dhe njohjen e shenjave të hershme të kancerit të lëkurës./GJILANI INFO/
