Zëvendësdrejtori i përgjithshëm i Policisë së Kosovës z.Fehmi Hoti me bashkëpunëtor, takoi
ambasadorin e Britanisë së Madhe në Kosovë z. Jonathan Hargreaves.
Ambasadori z. Hargreaves u prit në një takim të ngrohtë nga Zv.drejtori Hoti, me të cilin ndau
informacione mbi situatën e sigurisë në Kosovë, përfshirë situatën në veri të vendit, si dhe për
punën e angazhimin e Policisë së Kosovës, si një polici profesionale, demokratike dhe e zhvilluar
në fusha të ndryshme policore.
Ndër të tjera nga z.Hoti u potencua se Policia e Kosovës ka bashkëpunim të mirë me partnerët e
sajë strategjik, përfshirë edhe një bashkëpunim të shkëlqyeshëm me ambasadën Britanike në
Kosovë, e cila në vazhdimësi ka përkrahur dhe mbështetur Policinë e Kosovës, si me trajnime të
avancuara po ashtu edhe me pajisje logjistike e teknologjike.
Ambasadori z. Hargreaves falënderoi zëvendësdrejtorin dhe stafin policor për mikpritjen, si dhe
njeherit e përgëzoi PK-në për zhvillimin dhe avancimin profesional, për punën dhe angazhimet
policore në interes të sigurisë së qytetarëve pa dallime.
Takimi rezultoi me dakordimin e përbashkët, për rritjen e mëtejme të partneritetit, bashkëpunimit
dhe përkrahjes në fusha të ndryshme policore, të cilat reflektojnë në interes të sigurisë së
përgjithshme si dhe parandalimit dhe luftimit të të gjitha veprimtarive kriminale./GJILANI INFO/
