Gjatë këtij takimi, janë diskutuar çështje të rëndësishme lidhur me sigurimin e ujit të pijshëm për disa fshatra të komunës së Vitisë.
Kurse, një nga temat kryesore në këtë takim ishte projekti i ujësjellësit që do të implementohet në fabrikën e ujit në Letnicë, ku edhe pritet të investohen miliona euro nga projekti “Flows”.
Është folur poashtu edhe për pajisjen me leje të ndërtimit për këtë projekt si dhe për tenderimin e projekteve për eliminimin e defekteve në lokalitetet si Sllatinë e Epërme, Sllatinë e Poshtme, Sadovinë e Çerkezve dhe Sadovinë e Jerlive.
Kryetari Haliti, në fjalën e tij, ka theksuar rëndësinë e sigurimit të ujit të pijshëm për të gjitha lokalitetet e komunës së Vitisë.
Ndërkaq është bërë me dije se komuna po punon për përgatitjen e një projekti të ri për sigurimin e ujit të pijshëm për fshatin Beguncë, si dhe për menaxhimin individual të ujit në fshatrat Stubëll i Epërm dhe Goshicë.
Po ashtu, është diskutuar për nënshkrimin e një dokumenti të rëndësishëm për menaxhimin e ujësjellësit në Zhiti.
Në përmbyllje të këtij takimi është diskutuar edhe për përpjekjet për të eliminuar defektet ekzistuese në ujësjellëset e disa lokaliteteve të tjera të komunës, me qëllim të përmirësimit të shërbimeve ndaj qytetarëve./GJILANI INFO/
