Grupi i grave në Komunën e Kamenicës ka mbajtur takim për të diskutuar për ndikimin e aktiviteteve të realizuara nga ky grup.
Në këtë takim Kryesuesja Leka ka prezantuar aktivitetet e realizuara gjatë vitit 2024 dhe 2025.
Ajo ka thënë se të gjitha këto aktivitete janë cilësuar si aktivitetet më të mirat që janë realizuar ndonjëherë në Komunën e Kamenicës.
“Iu falënderoj për bashkëpunimin që kemi pasur si grup për realizimin e këtyre aktiviteteve. Pra Kamenica është komuna e vetme në Kosovë që ka marrëveshje me aktivitete të cilat ndikojnë direkt në jetën e qytetarëve e veçanërisht të grave, ku këto aktivitete kanë pasur një një ndikim të drejtpërdrejtë në përmirësimin e kushteve për gratë dhe zhvillimin ekonomik”, ka thënë ajo.
Gjatë takimit, Kryesuesja Leka ka prezantuar në grupin e grave planin dhe objektivat për të ardhmen, dhe gjithashtu ajo mori edhe propozime dhe sugjerime nga anëtaret e këtij grupi, në mënyrë që ky plan të jetë sa më efikas dhe sa më i zbatueshëm.
“Rekomandimet e anetareve të grupit janë të mirëseardhura pasi që duam që të gjitha objektivat tona të realizohen. Në përfundim, arritëm në disa konkluzione konkrete për të vazhduar punën me angazhim dhe bashkëpunim të ngushtë, për avancimin e mëtejshëm të aktiviteteve që mbështesin gratë dhe zhvillimin e komunës. I falënderoj të gjithë për angazhimin dhe mbështetjen e vazhdueshme”, ka thënë ajo./GJILANI INFO/
