Këshilli i Bashkësisë Islame (KBI) në Gjilan organizoi Dua Hatme dhe shtroi iftar me rastin e përfundimit të leximin të Kur’anit nga 22 nxënës, si dhe memorizimin e xhuz’it Amme dhe Tebarak nga 8 nxënëse të mësueses Fatmire Qazimi Haziri dhe përfundimin e Mukabeles nga 12 nxënëse të mësueses Mirlinda Bekteshi u organizua një manifestim emocionues. Programin e hapi nxënësja Sara Sejdiu, dhe ai u zbukurua me zërat e bukur të nxënësve që kënduan pjesë nga Kur’ani dhe ilahi.
Të pranishmet i përshëndeti mualimja Mirlinda Bekteshi pastaj fjalën e rastit e mbajti Mualimja Fatmire Qazimi-Haziri, mësuese e nxënësve, e cila theksoi përkushtimin dhe vullnetin e jashtëzakonshëm të nxënësve për mësimin e fjalës së Allahut.
Për t’i freskuar zemrat e të pranishmëve, ligjëroi Dr. Florentina Tërmkoll ,duke theksuar rëndësinë e leximit të Kur’anit dhe si duhët të jet përkushtimi i besimtarëve në 10 ditëshin e fundit të muajit të bekur të Ramazanit. Pastaj një fjalë rasti ishte edhe nga prof Hatixhe Sadriu e cila i përgëzoi nxënësit për suksesin e arritur dhe na motivoi për të vazhduar tutje me këtë punë të hajrit në mësimin e fjalës së Allahut .
Në fund të gjithë nxënësit u pajisen me certifikata, poashtu të gjithëve ju dhuruan nga një zarf simbolik.
Programi u mbyll me duanë e Hatmes, e cila u recitua nga studentja e FSI Imrane.
Të gjithë të pranishmit ngritën duar për lutje, duke i lutur Allahut të Madhëruar që ta pranojë këtë lexim dhe ta bëjë pranverë të zemrave tona. Allahu i Lartësuar është dhurues i sukseve dhe bekimeve, njofton KBI e Gjilanit./GJILANI INFO/
